លោកនាយករដ្ឋមន្ត្រី ហ៊ុន សែន ព្រមានបញ្ចេញសារឆ្លើយឆ្លងរបស់លោកជាមួយប្រធានគណបក្សសង្គ្រោះជាតិ លោក កឹម សុខា បន្ថែមទៀត ក្រោយពីគណបក្សប្រឆាំងប្រកាសមិនចាប់អារម្មណ៍ទៅនឹងសារសំឡេងបែកធ្លាយនេះ។
លោក ហ៊ុន សែន ថ្លែងបែបនេះ ក្នុងពិធីបើកការដ្ឋានសាងសង់ ផ្លូវក្រវាត់ក្រុងខ្សែទី២ កំណាត់ទី២ និងសម្ពោធដាក់ឲ្យប្រើប្រាស់ផ្លូវក្រវាត់ក្រុងខ្សែទី២ កំណាត់ទី១ នៅថ្ងៃទី៦ មីនានៅណា? ។ លោក ហ៊ុន សែន ថ្លែងទទួលស្គាល់សារសំឡេងទាំងនោះ ជារបស់លោកនិងលោក កឹម សុខា។ លោកថ្លែងឌឺទៅ លោក កឹម សុខា មិនហ៊ានទទួលស្គាល់សំឡេងដែលលេចធ្លាយ។ លោក ហ៊ុន សែន បន្តថា នឹងបញ្ចេញសារសន្ទនាទាំងអស់រវាងលោក និងលោក កឹម សុខា បើចង់សាកជាមួយលោក។
កាលថ្ងៃទី៥ មីនា អ្នកនាំពាក្យគណបក្សសង្គ្រោះជាតិ លោក យឹម សុវណ្ណ ថា គណបក្សរបស់លោកកំពុងខិតខំប្រឹងប្រែង ធ្វើយ៉ាងណាដើម្បីឈានទៅដល់ការបោះឆ្នោតនាពេលខាងមុខ ហើយគណបក្សក៏មិនយកចិត្តទុកដាក់ចំពោះការបែកធ្លាយខ្សែអាត់សំឡេងរវាងលោក ហ៊ុន សែន និងលោក កឹម សុខា នោះទេ។ លោក យឹម សុវណ្ណ ក៏មិនបកស្រាយថា ខ្សែអាត់សំឡេងរវាងលោក ហ៊ុន សែន និងលោក កឹម សុខា ជាការពិត ឬយ៉ាងណានោះដែរ។
សូមរង់ចាំអាន និងស្ដាប់ព័ត៌មានពិស្ដារ…
No comments:
Post a Comment