លោក Lertpanya Buranabundit អគ្គនាយក នាយកដ្ឋានកិច្ចការនារីនិងអភិវឌ្ឍន៍គ្រួសារបាននិយាយថា ប្រជាជនថៃកាន់តែច្រើនកំពុងចាកចេញពីប្រទេសដើម្បីសិក្សា ធ្វើការឬក៏រៀបការជាមួយជនបរទេស ហើយកម្មវិធីថ្មីនេះនឹងជួយដល់ស្ត្រីថៃឱ្យចេះរៀបចំខ្លួននិងសម្របខ្លួន។
គាត់បានណែនាំកម្មវិធី "Yingthai" កាលពីថ្ងៃសៅរ៍ម្សិលមិញអំឡុងវគ្គហ្វឹកហ្វឺនដែលធ្វើឡើងដោយនាយកដ្ឋាន។
គាត់បាននិយាយទៀតថា "Yingthai" នឹងផ្តល់នូវព័ត៌មានមានសារៈសំខាន់នៅលើបណ្តាញផ្តល់ការជួយនៅប្រទេសដទៃ ផ្នែកច្បាប់ គន្លឹះយល់ដឹងផ្នែកវប្បធម៌ លេខទំនាក់ទំនង គន្លឹះក្នុងការត្រៀមខ្លួនសម្រាប់ដំណើរទៅក្រៅប្រទេស ដំបូន្មានអំពីរបៀបរស់នៅ និងព័ត៌មានអំពីអង្គការថៃនៅប្រទេសដទៃ។
លោកបានបន្តថា ចំពោះអ្នកដែលមានបញ្ហាហើយត្រូវការជំនួយនៅប្រទេសដទៃ ពួកគេអាចប្រើប្រាស់កម្មវិធីដើម្បីស្វែងរកព័ត៌មានមានអត្ថប្រយោជន៍គ្រប់ទីកន្លែង និងគ្រប់ពេល។
កម្មវិធីនេះមានដាក់ឱ្យទាញយកនៅលើប្រព័ន្ធប្រតិបត្តិការ IOS និង Android៕
No comments:
Post a Comment